• سورة الفاتحة
  • No of Verses : 7
  • Chapter : 1
  • Makka
  • No. 1

    بِسْمِ ٱللَّهِ ٱلرَّحْمَٰنِ ٱلرَّحِيمِ

    ٱلْحَمْدُ لِلَّهِ رَبِّ ٱلْعَٰلَمِينَ

    अल्लाहच्या नावाने, जो असीम दयावंत व परम कृपावंत आहे.

    स्तवन फक्त अल्लाहसाठीच आहे जो सर्व सृष्टीचा रब (पालनकर्ता) आहे.

    • FOOTNOTE
      • Meaning no 1 : इस्लाम मनुष्याला ज्या संस्कृतीचे धडे देतो त्यापैकी एक नियम हा सुद्धा आहे की मनुष्याने आपल्या प्रत्येक कार्याची सुरवात अल्लाहच्या नावाने करावी.
  • No. 2

    ٱلرَّحْمَٰنِ ٱلرَّحِيمِ

    एकमात्र कृपावंत आणि दयावंत,

    • FOOTNOTE
      • Meaning no 1 : अल्लाहचे स्तुतीगान करताना ‘रहमान’ (परम कृपाळू) यानंतर पुनः रहीम (परम दयाळू) या शब्दाचा प्रयोग यासाठी केला आहे की, अल्लाहची कृपा अनंत आहे. दया असीम आहे.
  • No. 3

    مَٰلِكِ يَوْمِ ٱلدِّينِ

    निर्णयाच्या दिवसाचा स्वामी आहे.

    • FOOTNOTE
      • Meaning no 1 : अल्लाहचे स्तुतीगान असीम दयाळु व कृपाळु असे केल्यानंतर अल्लाह न्याय निवाड्याच्या (अंतिम) दिवसाचा स्वामी आहे असे म्हटले गेले आहे. यावरून हेच स्पष्ट होते की अल्लाह फक्त दयाळु व कृपाळूच नाही तर तो न्यायी सुद्धा आहे. न्याय देणारा सुद्धा असा की अंतिम दिनी न्याय निवाडा करण्याचा पूर्ण अधिकार त्याच्याच हातात असेल. म्हणून आम्ही अल्लाहशी फक्त प्रेमच करीत नाही तर त्याच्या न्यायी गुणवैशिष्ट्यांमुळे त्याचे भय बाळगून आहोत.
  • No. 4

    إِيَّاكَ نَعْبُدُ وَإِيَّاكَ نَسْتَعِينُ

    आम्ही तुझीच बंदगी (भक्ती) करतो आणि तुजपाशीच मदत मागतो.

    • FOOTNOTE
      • Meaning no 1 : ‘इबादत’ (उपासना, भक्ती) हा शब्द सुद्धा अरबी भाषेत तीन अर्थाने प्रयोग केला जातो. १) उपासना, पुजाअर्चा २) आज्ञापालन ३) दास्यत्व व गुलामी. येथे हे तिन्ही अर्थ आहेत. म्हणजे आम्ही तुझे उपासक, आज्ञाधारक आणि गुलाम सुद्धा आहोत.
      • Meaning no 2 : म्हणजे आम्ही आमच्या गरजपूर्तीसाठी तुझ्याकडेच रुजू होतो. केवळ तुझ्याच मदतीवर आमचा पूर्ण विश्वास आहे. याचकारणास्तव आम्ही विनंतीसह तुझ्या सेवेत हजर होत आहोत.
  • No. 5

    ٱهْدِنَا ٱلصِّرَٰطَ ٱلْمُسْتَقِيمَ

    आम्हाला सरळ मार्ग दाखव.

    • FOOTNOTE
      • Meaning no 1 : म्हणजे जीवनातील प्रत्येक क्षेत्रात आचार, विचार व वागणुकीचा असा मार्ग आम्हाला दाखव जो निव्वळ सत्य असावा. ज्यावर चालून आम्ही आमच्या जीवनात वास्तविक सफलता आणि सौभाग्य प्राप्त करू शकावे.
  • No. 6

    صِرَٰطَ ٱلَّذِينَ أَنْعَمْتَ عَلَيْهِمْ

    त्या लोकांचा मार्ग ज्याना तू अनुग्रहित केलेस.

    • FOOTNOTE
      • Meaning no 1 : हा तो सरळ मार्ग आहे ज्याचे ज्ञान आम्ही अल्लाह जवळ मागत आहोत. तो सरळ मार्ग जो तुझ्या प्रियजनांनी अंगिकारला आहे.
      • Meaning no 2 : ‘अनुग्रह’ म्हणजे खरी आणि शाश्वत कृपा आहे जी सरळ मार्गावर चालून आणि अल्लाहची प्रसन्नता प्राप्त करूनच मनुष्याला मिळते. तो क्षणिक आणि दिखाव्याचा अनुग्रह नव्हे जो मार्गभ्रष्ट लोकांना जगात मिळतो आणि पूर्वी फिरऔन, नमरूद आणि कारून अनेकवचन अत्याचारींना मिळाले आहेत आणि आजही आमच्या डोळ्यादेखत मोठमोठ्या अत्याचारींना, दुष्टांना आणि मार्गभ्रष्ट लोकांना मिळत आहेत.
  • No. 7

    غَيْرِ ٱلْمَغْضُوبِ عَلَيْهِمْ وَلَا ٱلضَّآلِّينَ

    जे कोपग्रस्त झाले नाहीत व जे मार्गभ्रष्ट नाहीत.१०