Islam Darshan

नवजात मुलीचे कलेवर आणि कुत्रा

Published : Thursday, Feb 04, 2016

होय, त्या दृश्याने तेथील चहा पिणाऱ्यांना निव्वळ स्तब्धच केले नाही तर अंतर्बाह्य हलवून सोडले. सुरुवातीला कोणाचाही विश्वासच बसला नाही की कुत्र्याच्या तोंडामध्ये एका नवजात बालिकेचे कलेवर आहे. ही घटना कुरुक्षेत्रातील एस.टी. स्टँड जवळील ‘‘ज्योतिसर टूरिस्ट कॉम्प्लेक्स’’ समोरील कचरा कुंडीतील आहे, जेथे कुत्र्याने त्या नवजात बालिकेच्या शरीरामध्ये आपले दात रोवले ते हेच ज्योतिसर आहे जिथे गीता सांगितली गेली अशा विश्वास आहे. पोलिसांना सूचीत केल्यानंतर उप-अधीक्षक कमलदीप तेथे पोहोचले व नेहमीप्रमाणे सामान्य प्रक्रिये (?) द्वारे कारवाई सुरु केली.

‘दैनिक भास्कर’ (१८ मार्च २००९, हिसार आवृती) नुसार निव्वळ मुलगी असल्यामुळे तिला हे अतीभयानक व निर्मम हाल झेलावे लागले. कुठे गेली मातेची ममता? आईबापांची संतानाप्रतिच्या नैसर्गिक प्रेमाची, वात्सल्याची तिरडी कोणी उचलली? इतका रानटी बनला हा चंगळवादी समाज? वेळोवेळी डोळ्यांसमोर येणारे स्त्रीभ्रूण हत्येचे आकडे समाजाच्या क्रूरतेला उघड करतात. बापाच्या कर्तव्याबाबत देखील प्रश्न निर्माण झाले आहेत. मुलींच्या घटणाऱ्या सरासरी बाबतीची आकडेवारी समोर असून देखील वृत्तपत्रे व मिडिया ढिम्म आहे तर सर्व समाजधूरीण असे स्थीतप्रज्ञ आहेत जणु मुके, बहिरे आणि अंध झाले आहेत. कधी कधीतरी असे वाटते की यांना नकारात्मक मुद्यांशीच घेणे देणे असून मानवरुपामध्ये मानवतेचे शत्रु आहेत की काय?

उपलब्ध आकडेवारीनुसार पंजाब, हरियाणा प्रांतामध्ये स्त्री भ्रूणहत्येचे प्रमाण सर्वाधिक असून त्यामुळे स्त्री पुरुष प्रमाण चिताजनकरित्या खाली घसरले आहे. काही दिवसांपूर्वीच हरियाणातील एका गावामध्ये जिवंत मुलीचा जन्म ही मोठी बातमी बनली कारण कित्येक वर्षानंतर हे घडले होते. या गावामध्ये मुलीला जीवंतच राहू दिले जात नव्हते. मुलगी घरामध्ये असणे स्वतःचा व कुळाचा अपमान समजले जाई व जावई करून घेणे हे नाक कापण्यासारखे मानले जाई. अरब द्वीपकल्यामधे प्रेषित मुहम्मद (स.) साहेबांच्या आगमनापूर्वीच्या अज्ञानकालामध्ये अशीच परिस्थिती होती. इस्लामने या विषम स्थितीला पूर्णपणे बदलून टाकले आणि मुलींना यथायोग्य पालनपोषण व सन्मान भेटू लागला. इस्लामच्या शिकवणीतील एक उल्लेखनीय तत्व स्त्रीयांची प्रतिष्ठा व सन्मान आहे.

पवित्र कुरआन मानवतेकरिता ईश्वराचा संदेश व मार्गदर्शन आहे. याच्या ८१ व्या अध्यायामध्ये अंतिम प्रलयाचे दृष्य रेखाटले आहे. त्या दिवशी इतर प्रश्नांबरोबर हे देखील विचारले जाईल ‘‘जेव्हा जीवंत गाडल्या गेलेल्या मुलीला विचारले जाईल की, तुला कुठल्या गुन्ह्यामुळे मारले गेले?’’ (कुरआन अत तकवीर : ८, ९) जगत-उद्धारक प्रेषित मुहम्मद (स.) नी सांगितले, ‘‘तुम्हांपैकी एखाद्याच्या तीन मुली अथवा बहिणी असतील आणि जर तो त्यांच्या बरोबर सद्व्यवहाराने वागत राहिला तर तो निःसंशय स्वर्गामध्येच जाईल. (तिरमिजी)

संबंधित लेख

  • मुस्लिम पर्सनल लॉशी संबंधित प्रमाणित तथ्ये

    सर्वात पहिली वस्तुस्थिती ही आहे की मुस्लिमांचे कौंटुबिक जीवन आणि दुसर्या व्यक्तिगत बाबीसंबंधी पवित्र कुरआन व हदीस मध्ये उपदेश, मार्गदर्शन आणि आदेश अस्तित्वात आहेत, इतकेच नव्हे तर ते परिपूर्ण व्याख्यानिशी उपलब्ध आहेत म्हणून पवित्र कुरआन आणि हदीस यांची पृष्ठे उलटत जावीत आणि या उपदेश, मार्गदर्शन आणि आदेशांचे व्यवस्थित अध्ययन करित जावे. निकाह(विवाह) महर(नवर्या मुलाकडून नवरी मुलीला दिली जाणारी रक्कम किवा वस्तू), नफका(पत्नी व मुलासाठी अन्नवस्त्र), तलाक(पतीने पत्नीला दिलेला घटस्फोट), खुलअ(पत्नीने पतीला दिलेला घटस्फोट), इद्दत(घटस्फोटा आधीची मुदत), विरासत(वारसा), वसीअत(वारसापत्र, मृत्यूपत्र), इला, नसब, वक्फ, हिबा इत्यादि समस्यांपैकी एकही समस्या अशी नाही ज्यासंबंधी चर्चा केली नाही, आदेश दिले नाहीत, मूल्ये आणि कायदा निश्चित केला नाही.
  • समृद्धी आणि धर्म

    इस्लामने त्याच्या अनुयायींना भौतिक समृध्दी विपुल प्रमाणात दिली. परंतु ही समृध्दी कोणत्या मार्गाने आणि कशी आली हे पाहणे आवश्यक आहे. जर धर्म फक्त आणि फक्त पारलौकिक जीवनासाठीच प्रशिक्षित करीत असेल आणि या जगाशी संबंध तोडत असेल तर या जगात यशप्राप्ती कशी होणार? एक व्यक्ती धर्मांवर पूर्ण आचरण करतो आणि त्याच वेळी या जगाच्या सुखांचासुध्दा उपभोग घेतो हे कसे शक्य आहे? या प्रश्नांचे उत्तर देण्यासाठी आणि या जटीलतेची उकल करण्यासाठी आपणास इस्लाम धर्माच्या मूलतत्त्वांचाच आधार घ्यावा लागेल.
Copyright © 2015 Islamdarshan. All Rights Reserved. [Best viewed in IE 10+, Firefox 20+, Chrome , Safari5+, Opera12+ ]