Islam Darshan

साम्राज्यवादापासून मुक्तीचा एकमेव मार्ग

Published : Saturday, Apr 16, 2016

याकरिता, आपण सगळे मिळून इस्लामचे बोट घट्ट धरु या, कारण आम्ही त्यांच्याच झेंड्याखाली गोळा होऊन, साम्राज्यवादाच्या उरलेल्या सर्व खाणाखुणा नष्ट करुन टाकल्या. साम्राज्यवादरुपी या दैत्याने जोवर या भूतलाला आपल्या अत्याचाराचे केंद्र करुन ठेवले आहे, तोवर मानवतेच्या मुक्तीचा आता एकच मार्ग उरला आहे. येथूनच खऱ्याखुऱ्या स्वातंत्र्याच्या वाटा फुटतील. त्यानंतर कोणीही कोणाचा गुलाम अथवा दास राहणार नाही. सर्व माणसांना आचार, विचार, धर्म, याचे पूर्ण स्वातंत्र्य असेल. सगळ्यांची अब्रू व प्रतिष्ठा सुरक्षित असेल. केवळ याच तऱ्हेने आम्ही खऱ्या अर्थाने मुस्लिम बनून आपल्या पालनकर्त्याचे निष्ठावान दास होऊ शकतो. त्या पालनकर्त्यानेच आमच्याकरिता इस्लाम धर्माची निवड केली.

‘आज मी तुमचा ‘दीन’ (जीवनधर्म) तुमच्यासाठी परिपूर्ण केला. आपला कृपाप्रसाद मी तुमच्यावर परिपूर्ण केला आहे आणि तुमच्याकरिता ‘इस्लाम’ची जीवनधर्म म्हणून निवड केली आहे.’ (५:३)

विश्वव्यापी सुधारणांचा कार्यक्रम

इस्लामच्या या क्रांतिकारी सुधारणांचे क्षेत्र केवळ मुस्लिमांपुरतेच मर्यादित नसून आपल्या स्थायीभावानुसार तो एक विश्वव्यापी सुधारणांचा कार्यक्रम आहे. आजच्या संकटमय जगात आपापसांतील युद्धकलहांनी ग्रासलेल्या व तिसऱ्या महायुद्धाचे संकट डोक्यावर धिरट्या घालीत असलेल्या जगाला इस्लामचे अस्तित्व एक महान वरदान वा देणगीसारखेच आहे.

विश्वसाम्राज्यवादाचे दोन तळ

आजचे जग, दोन विरोधी तळांमध्ये भांडवलशाही व साम्राज्यवाद विभाजित असून हे दोन्ही एकमेकांविरुद्ध उभे ठाकले आहेत. कारण यातील प्रत्येक तळ, जगावर आपले अधिपत्य स्थापण्याची महत्वकांक्षा बाळगतो. जागतिक बाजारपेठा, तसेच महत्त्वाच्या युद्धाच्या जागा व ठाणी, यावर कब्जा करण्यास उत्सुक आहेत. या दोहोंचाही दृष्टिकोन साम्राज्यवादी असून त्यांच्यात जरी मतभेद असले तरी एका बाबतीत त्यांचे पूर्ण एकमत आहे की जगातील इतर राष्ट्रांना ते आपल्या प्रभावाखाली आणून त्यांना दास बनवू इच्छितात. म्हणून अधिकाधिक मानवी बळ, तसेच अधिकाधिक भौतिक साधने आपल्या अधिकारात असावीत, याकरिता दोघेही प्रयत्नशील आहेत. दुसऱ्या माणसांचे मूल्य त्यांच्या दृष्टीने मुक्या पशूपेक्षा अधिक नाही. (आपल्या परिभाषेत हे लोक माणसांना ‘मानवशक्ती’ किवा ‘मानव संसाधन’ असे म्हणतात.) माणसांना या कार्याचे साधन समजतात व त्यांचा उपयोग करुन आपल्या घृणास्पद उद्देशांची पूर्ती करतात.

एक तिसरा तळ

मुस्लिम जगत जर या पाशवी साम्राज्यवादी दानवाविरुद्ध एक होऊन उभे ठाकले तर जागतिक विश्वशांतीला घातक ठरणाऱ्या या आंतरराष्ट्रीय द्वेषपूर्ण संघर्षांना यशस्वी रीतीने व प्रभावीपणाने रोखू शकेल. मुस्लिम राष्ट्रांनी जर एकजूट निर्माण केली तर सहजरित्या व विनासायास एक तिसरा तळ ‘मुस्लिम ब्लॉक’ होऊ शकतो. अशा तऱ्हेचा एखादा ब्लॉक, जर अस्तित्वात आला, तर जागतिक राजकारणाचे महत्त्वाचे केंद्रस्थान होऊ शकतो. कारण भौगोलिकदृष्टया हे मुस्लिम देश पृथ्वीच्या मध्यस्थानी आहेत. आपल्या अशा भौगोलिक स्थानामुळे हे मुस्लिम देश आपल्या राष्ट्रीय हिताच्या दृष्टीने अथवा आपल्या समुदायरुपी ब्लॉकच्या हिताच्या दृष्टीने कसल्याही अडथळ्याविना आपल्या मर्जीनुसार कुठल्याही दुसऱ्या तळाबरोबर राहतील व पौर्वात्य अथवा पाश्चिमात्य साम्राज्यवादाचे अस्त्र बनण्याऐवजी ते आपल्या खऱ्या हिताकरिता संयुक्तरितीने प्रयास करु शकतील.

संबंधित लेख

  • माननीय अब्दुल्लाह बिन अब्बास(र.) दिव्य कुरआनाचे प्रवक्ते

    श्रद्धावंतांची माता सन्माननीय मैमुना(र.)यांचे एक किशोरवयीन भाचे होते. त्या आपल्या या भाच्यावर जिवापाड प्रेम करीत असत. या भाच्याचेसुद्धा आपल्या मावशीवर आणि आपल्या मावसा असलेल्या आदरणीय प्रेषित मुहम्मद(स.) यांच्यावर खूप प्रेम होते. म्हणूनच ते आपल्या मावशी मावसाच्या घरीच जास्त वेळ काढीत आणि त्यांची छोटी-मोठी कामेसुद्धा हसत-बागडत करीत असत. मोबदल्यात आदरणीय प्रेषितांचा आशीर्वाद घेत असत.
  • मुसलमानांनी विचार करण्यासारखा मुद्दा

    या देशातील अल्पसंख्याकांनी त्यांचे योग्य स्थान कोणते आहे व त्यांनी करण्यायोग्य कार्य कोणते आहे? याचा नीट विचार करायला हवा. ही गोष्ट खरी आहे की तोंडी काहीही म्हटले जात असले, तरी प्रत्यक्षात देशाच्या शासन व्यवस्थेमध्ये, एक सांस्कृतिक समुदायाच्या नात्याने अल्पसंख्याकांचा कसलाही वाटा नाही. मग काय, केवळ बहुसंख्याकांचे हल्ले थोपविणे आणि शासन-व्यवस्थेत काही हिस्सा मिळविण्यात आपली सर्व शक्ती खर्ची घालणे, इतकेच तुमचे कर्तव्य आहे? मग देश कोठेही जावो, तुम्ही संख्येने कमी आहात, म्हणून दुर्बल आहात, असा तुमचा समज आहे, परंतु निर्णायक शक्ती ही संख्येचा कमी-अधिकपणा नसून, ती मानवतेच्या गुणांवर असते. संख्या कमी असणे हा अपराध नसून, जगाला देण्यासाठी तुम्हापाशी कोणतीही देणगी नाही, हा वास्तविक अपराध आहे.
Copyright © 2015 Islamdarshan. All Rights Reserved. [Best viewed in IE 10+, Firefox 20+, Chrome , Safari5+, Opera12+ ]