Islam Darshan

इस्लामी शासन

Published : Saturday, Apr 16, 2016

इस्लामी शासनामध्ये हुकूमशहा असत नाहीत. कारण इस्लाम उदंडता, उन्मत्तपणा व हुकूमशाही सहन करण्याविरुद्ध आहे. तसेच तो आपल्याचप्रमाणे असलेल्या इतर माणसावर, अल्लाह व त्याचे प्रेषित मुहम्मद (स) यांच्या इच्छेला सोडून त्यावर आपण निर्माण केलेले कायदे लादण्याचा प्रयत्न करण्याची परवानगी देत नाही. इस्लामी शासनामध्ये, शासक ईश्वर व जनता या दोहोंना जबाबदार असतो. या जबाबदारीच्या कर्तव्याची ही निकड आहे की त्याने माणसामध्ये ईश्वरनिर्मित कायदे लागू करावे. जर तो आपल्या या कर्तव्यात कुचराई करील तर इतरांवर शासन करण्याचा त्याचा हक्क नष्ट होईल आणि मग कायदेशीर दृष्टीने तो प्रजेकडून आज्ञापालन करण्याची मागणी करु शकत नाही. या वास्तवतेला पहिले खलीफा आदरणीय अबू बक्र (र) यांनी आपल्या पहिल्या भाषणामध्ये अशारितीने व्यक्त केले आहे.

‘माझे आज्ञापालन तेथपर्यंतच करा, जोपर्यंत मी अल्लाहचे आज्ञापालन करीन. मी जर अल्लाहचे आज्ञापालन करण्याची सीमारेषा ओलांडली तर माझे आज्ञापालन करणे तुमच्यावर बंधनकारक राहणार नाही.’

यावरुन हे कळून चुकते की इस्लाममध्ये शासकाला सरकारी खजिन्याच्या बाबतीत अथवा कायदे निर्माण करण्याच्या बाबतीत तेवढेच अधिकार असतात जेवढे जनतेतील एका साधारण व्यक्तीला असू शकतात. त्यापेक्षा शासनकर्त्याला जास्त अधिकार असू शकत नाहीत. यावरुन हे स्पष्ट होते की इस्लामी दृष्टिकोनातून एखाद्या व्यक्तीला इतर लोकांवर शासन करण्याचा अधिकार केवळ अशाच स्थितीत प्राप्त होतो, जेव्हा मुस्लिम समाजातील व्यक्तींनी त्याला आपल्या स्वतंत्र इच्छेने निवडलेले असते. व हे निवडणूककार्य पूर्णपणे स्वतंत्र, निपक्षपाती व कुठल्याही वाईट पद्धतीविरहित असते. अशा मतदानाच्या वेळी मतदानावर चांगुलपणा, भलेपणा, न्यायप्रियता यांच्या परिचित पायबंदीशिवाय इतर कसलीही पायबंदी अथवा आडकाठी नसते.

महान धर्म
इस्लामी राज्य आपल्या नागरिकांना आपल्या अंतर्गत असलेल्या जुलमी व अत्याचारी शासकांच्या कृतीपासून तर वाचवतोच, तसेच तो बाह्य आक्रमणापासून रक्षण करतो. मग हे आक्रमण, साम्राज्यवादी शोषणरुपाने प्रकट झालेले असो अथवा अन्य कुठलेही रुप धारण केलेले असो. याचे कारण असे की इस्लाम स्वतःच एक महान, उदात्त व शक्तिशाली धर्म आहे. मानवाने आपल्या उच्च स्थानापासून खाली पडून या खोट्या व दांभिक ईश्वरसाम्राज्यासमोर गुडघे टेकून स्वतःला मूल्यहीन करुन घेणे इस्लाम सहन करु शकत नाही. इस्लाम मानवी जीवनाची एक अत्यंत सरळ व साधी पद्धत प्रदान करतो व माणसाला असे आवाहन करतो की आपल्या पालनकर्त्याची प्रसन्नता प्राप्त करण्यासाठी तन मन धनाने त्याने प्रयत्नशील राहावे. आपल्या मर्जीला त्याच्या श्रेष्ठ मर्जीमध्ये विलीन करुन टाकावे. आपल्या सर्व साधनसामग्रीनिशी साम्राज्यवाद तसेच हुकूमशाही यांच्याशी सामना करावा.

खऱ्या इस्लामी राज्याची गरज

पुरुषांची समस्या असो की स्त्रियांची असो, इस्लाम व केवळ इस्लामच तिची सोडवणूक करु शकतो. म्हणून आम्हा पुरुषांचे, स्त्रियांचे वडीलधाऱ्यांचे, नवयुवकांचे सर्वांत पहिले कर्तव्य असे की सर्वांनी एकजुटीने, खरेखुरे इस्लामी राज्य स्थापन करण्याचा प्रयत्न करावा व आपल्या जीवनास इस्लामी नियमानुसार आकार द्यावा. हे काम जेव्हा आम्ही करू तव्हाच आपल्या विचारांना व आस्थांना, कृतीचा विश्वास आम्ही यशस्वी करु शकू. जीवनात समतोल व एकजिनसीपणा प्राप्त करण्यास हाच एकमेव मार्ग आहे. हा मार्ग सर्व प्रकारच्या अन्याय, अत्याचार, जुलूम व जबरदस्तीपासून पूर्णपणे निर्मळ व स्वच्छ आहे.

संबंधित लेख

  • ‘एकेश्वरत्व’ परिपूर्ण जीवन व्यवस्थेचा पाया आहे

    उपरोक्त संक्षिप्त वर्णनाने हे सिद्ध होते की, एकेश्वरत्व, प्रेषितत्व, पवित्र ग्रंथ कुरआन व मरणोत्तर जीवन या ईशदत्त तत्त्वांच्या आधारे, जगातील लोकांना देश, समाज, वंश, वर्ण, भाषा इत्यादी बाबींनी निर्माण होणारे भेदभाव विसरून, एक जागतिक समाज निर्माण करता येतो. इस्लामने ईश-आराधनेच्या ज्या पध्दती प्रदान केल्या आहेत, त्यांचा स्वीकार केल्यास समाजात निश्चितच एकतेचे वातावरण निर्माण होते. ईश्वराने अंतिम प्रेषित मुहम्मद (स.) व अंतिम ग्रंथ कुरआनद्वारे सर्व मानव समाजाला अशी परिपूर्ण जीवन व्यवस्था प्रदान केली आहे की, मानवाला कोणत्याही काळात व कोणत्याही स्थळी आपल्या कोणत्याही समस्येचे समाधान करण्यासाठी इतरत्र कोणतेच मार्गदर्शन प्राप्त करण्याची निश्चितच गरज भासणार नाही.
  • 'मेराज' चे वास्तव: आदरणीय प्रेषित मुहम्मद (स.) यांना ईश्वरी सान्निध्य आणि मार्गदर्शन

    मुळात असा नियमच आहे की, सत्याच्या विरोधकांचे अत्याचार आपल्या संपूर्ण मर्यादा ओलांडतात आणि अत्याचारपीडितांचा आत्मा तळतळून हाक देतो की, ‘ईश्वराची मदत कधी येईल?’ तेव्हा ईश्वराच्या दयासागरात मोठी भरती येते आणि ईश्वरी उत्तर मिळते की, ‘‘बस आता पुरे झाले! ईश्वराची मदत आता खूप जवळ आहे!!!’’ याच नियमानुसार ‘मेराज’च्या डोळे दिपविणार्या उत्सवात ईश्वराकडून आदरणीय प्रेषित मुहम्मद (स) यांना शुभवार्ता आणि मार्गदर्शक बाबी सुचविण्यात आल्या
Copyright © 2015 Islamdarshan. All Rights Reserved. [Best viewed in IE 10+, Firefox 20+, Chrome , Safari5+, Opera12+ ]