Islam Darshan

वर्तमानकाळातील अपराध : लैंगिकअपराध

Published : Saturday, Mar 05, 2016

वर्तमान काळातील गुन्हेगारीचे भीषण तांडव पाहून केवळ नागरिक, विचारवंत, पोलीस यंत्रणा व न्यायसंस्थांच्या झोपा उडाल्या, असे नव्हे तर या भयानक परीस्थितीची जाणीव स्वतः गुन्हेगारांना आणि गुन्हेगारी जगताशी धागेदारे असणार्यांनासुद्धा बर्याच प्रमाणात आहे. गुन्हेगारीचे भरपूर चेहरे आहेत. समस्त समाजावर हिचा क्रूर विळखा पडलेला आहे. वैयत्तिक जीवनापासून सामाजिक जीवनापर्यंतची सर्वच क्षेत्रे यामुळे ढवळून निघाली आहेत. नैतिकता, अर्थकारण, राजकारण असो की युद्धभूमी असो, सर्वच ठिकाणी हिचे भयानक सावट पडलेले आहे. शिक्षित, अशिक्षित, मुले, मुली, तरुण, म्हातारे, स्त्री, पुरुष, सर्वच या गुन्हेगारीच्या कचाट्यात सापडले आहेत. एवढेच नव्हे तर शासन व शासकवर्ग तर यामध्ये सर्वांत जास्त बरबटलेले दिसते, नव्हे शासन स्वतः गुन्हेगारीच्या फोफावलेल्या विषारी जंगलास खतपाणी घालीत आहे.

काळजी वाढविणारी दुसरी विशेष बाब अशी की, गुन्हेगारी करण्याच्या नवनवीन पद्धतींचा शोध लावण्यात येत आहे. उदाहरणार्थ, व्यभिचार करणे एक लैंगिक अपराध आहे. मात्र वर्तमानकाळात हा अपराध नवीन पद्धतीने करण्यात येतो, बलात्कार, सामूहिक बलात्कार, लग्नाचे आमिष देऊन महीनोन् महिने आणि वर्षानुवर्षे करण्यात येणारा पाशवी बलात्कार, अल्पवयीन मुलींचा आणि मुलांचा क्रूर लैंगिक छळ, या स्वरुपाचे अपराध राजरोसपणे होत आहेत. मागच्या काळात एखाद्याची हत्या करून जास्तीतजास्त त्याचे शिर धडावेगळे करण्यात येत असे. मात्र आज क्रौर्याने इतके भयानक आणि उग्र स्वरुप धारण केले आहे की, खुन्याचे समाधान केवळ शिर धडावेगळे केल्याने होत नसून तो मृताच्या शवाचे तुकडे तुकडे करून त्याच्या प्रत्येक तुकड्याशी खेळून आपल्या अघोरी भावना थंड करतो. विविध प्रकारे हत्या करून मृतांचे शव आगीत जाळतो. एवढेच नव्हे तर हत्या करण्याच्या अशा विचित्र आणि विक्षिप्त पद्धती आपल्यासमोर येत आहेत की, यापूर्वी अशा प्रकारची कोणी कल्पनासुद्धा करू शकत नसे, शिवाय आजही या भयानक पद्धतीं पाहून मनाचा थरकाप उडतो.

संबंधित लेख

  • पर्सनल लॉ समाजाच्या आत्म्याचे रक्षक

    व्यक्तिगत कायदे इस्लामी समाजाच्या सामुदायिक आत्म्याचे रक्षक सुद्धा आहेत. कारण सामुदायिक जीवन आणि मृत्यू संबंधीच्या समस्या मध्ये खोलात शिरून पाहिल्यास असे दिसून येईल की कोणत्याही समाजाच्या व्यक्तिगत कायद्यांच्या अत्सित्वाचा संबंध या त्यांच्या श्रद्धा आणि विचाराशी जीवन जोडले गेलेले असते. म्हणून या पायाभूत मूळ कायद्यांची अत्यंत आवश्यकता असते.
  • अंतिम सत्याचा शोध भाग १

    हे विश्व, एका भल्या मोठ्या पुस्तकासमान आपल्या समोर पसरलेले आहे, परंतु हे एक अजब पुस्तक आहे ज्याच्या कोणत्याही पृष्ठावर त्याचा विषय अथवा त्याच्या लेखकाचे नाव लिखित स्वरुपात नाही, तरीही या पुस्तकाचा एकेक शब्द बोलत आहे, की त्याचा विषय काय असू शकतो आणि त्याचा लेखक कोण आहे.
Copyright © 2015 Islamdarshan. All Rights Reserved. [Best viewed in IE 10+, Firefox 20+, Chrome , Safari5+, Opera12+ ]